Carnevale di Pontecorvo

” Massera me so ‘ fatte ‘na magnata
cu ‘ sagne, la frionza i gli squagliozze,
me so ‘ saziate, po’, cu ‘n’ abbuffata
de pigne, tesechèlle i maritozze.
A pranze, prima, già m’era magnate
nu piatte de timballe i nu bruditte,
agneglie cu patate arrusulate,
pollastre cu cappune i pesce fritte.
Potevene mancà, po’, gli cunturne?
Fenucchie, peparole, melanzane,
cipolle i pummedore turne turne
cu quatta- cinche felle de bone pane.
Presutte- ancora! – i pezze de salame,
zampitte, savecicce i panzanella,
pe cuntinuà cu ‘n àvete affettate
de soppressate cu ‘na capuzzella.
Pe doce: panzarotte cu sfugliata,
cannole culla crema i le crespelle,
babbà, tìreme su, la cicirchiata
i calle calle- quatte zeppulelle.
Ma lu cchiù beglie me sera scurdate
Pe comme ive a fernì ‘sta gran magnata:
fu l’utema delizia, ‘na ‘nguzzata
de pizza doce culla ciucculata.
Po’, ‘n coppa a tutte chesse, ‘n’annaffiata
De vine bbone, bianch ‘ i rusce toste,
me rimbambisce- la mente annebbiatai
dritte me retrove ‘n terra poste.
I dorme, i russe, ifaccie cannateglie,
me vote i me revote beglie beglie,
de botte rape gl’occhie i me risveglie :
che me se para ‘nnante? Tagliareglie!
Cu sèllere, rasure, pallagreglie,
rusolie, limuncella, rattafia,
se recumenza cu ‘sse meraviglie.
-“f ‘regna che sfunnàte, mamma mia!”e